#BioNTech-ն ու #Pfizer-ը նախատեսում են #COVID_19-ի դեմ պատվաստանյութի մինչև 3 միլիարդ չափաբաժին արտադրել

1980

Չորեքշաբթի, 10 մարտի, 2021 թ., 11:30

BioNTech-ի գլխավոր տնօրեն և համահիմնադիր Ուգուր Շահինը հայտարարել է Pfizer-ի հետ՝ նոր տեսակի կորոնավիրուսի դեմ պատվաստանյութերի համատեղ ծրագրերի մասին: Այս մասին հայտնում է Bloomberg TV-ն։
Նրա խոսքով՝ ընկերությունները մտադիր են ավելացնել արտադրական հզորությունը։
Նա պարզաբանել է, որ BioNTech-ը և Pfizer-ը ցանկանում են 2022 թվականին պատվաստանյութի մինչև 3 միլիարդ չափաբաժին արտադրել:
Գլխավոր տնօրենը նաև հստակեցրել է, որ ընկերություններն արդեն համաձայնագիր են կնքել, որի շրջանակներում ակնկալվում է 1,3 միլիարդ դեղաչափի մատակարարում:
Ըստ գործակալության՝ Pfizer-ն ակնկալում է, որ 2021 թվականին դեղամիջոցի վաճառքից ստացված հասույթը կկազմի 15 միլիարդ դոլար: