«Հայ աղջիկների մի զգալի մասը թյուր պատկերացում ունի հարաբերության մասին». Նարեկ Սարգսյան

Ջութակահար Նարեկ Սարգսյանը ֆեյսբուքյան իր էջում գրել է. «Հայ աղջիկների մի զգալի մասն, իմ կարծիքով, թյուր պատկերացում ունի հարաբերության մասին: Շատ աղջիկներ վիրավորական են համարում, երբ տղամարդու միակ ցանկությունը ինտիմ հարաբերությունն է՝ առանց որևէ հեռանկարի: Իրականում այս փաստի մեջ ինքնին ոչ մի վիրավորական բան չկա: Վիրավորական է վատ վերաբերմունքը, որը հաճախ ուղակցում է շփմանը: Բայց ինքնին սեքսի ցանկությունը, իմ խորին համոզմամբ,՝ ոչ միայն վիրավորական չէ, այլ աշխարհի ամենանորմալ բանն է:
Եթե պատկերավոր ասենք, տղամարդը զննում է 1000 կնոջ, որից 200-ի հետ ցանկանում է խոսել, 100-ի հետ ցանկանում է հանդիպել, 50-ի հետ ցանկանում է միանվագ սեքս, 5-ի հետ ցանկանում է երկարաժամկետ հարաբերություն, իսկ 1-ի հետ՝ ամուսնություն:
Ուստի եթե տղամարդը կնոջը հետ ցանկանում է հարաբերություն, ապա կինը ավտոմատ պիտի իմանա, որ ինքը արդեն 1000-ից 50-ի մեջ է մտնում տվյալ տղամարդու համար: Այսինքն՝ առնվազն 5 տոկոսի մեջ: Դա ինքնին հաղթանակ է, քանի որ մնացած 950-ի հետ տղամարդը չունի այդ ցանկությունը, իսկ 800-ի հետ նույնիսկ խոսելու նախաձեռնություն չի ցուցաբերում:
Իսկ եթե առաջին հարաբերությունից հետո մտերմություն լինի, դա արդեն կնշանակի, որ կինը 1 տոկոսի մեջ է մտնում, հետո՝ 0,5 տոկոսի մեջ, իսկ ինչ-որ մի օր միգուցե կինը դառնա միակը տղամարդու համար:
Բայց եթե նույնիսկ չդառնա էլ, արդեն գտնվել 5 տոկոսի մեջ, ինքնին հաղթանակ է:
Նույնն էլ 100 տոկոսով վերաբերվում է տղամարդկանց: Եթե կինը համաձայնվել է հարաբերության, դա ինքնին հաղթանակ է: Ուրեմն տղամարդը կնոջ 5 տոկոսի մեջ է: Իսկ եթե երկարատև հարաբերություն լինի՝ 1 տոկոսի մեջ կամ 0,5 տոկոսի մեջ:
Ասվածից հետևում է, որ ինչքան շատ հարաբերություն կառուցես, այնքան հավանականությունը մեծ կլինի, որ տղամարդու և կնոջ 5 տոկոսները կհամընկնեն»: