«Առաջին քայլը պարտավոր է անել իշխանությունը՝ հեռանալով». Թևան Պողոսյան

ՀՀ նախագահի խորհրդական Թևան Պողոսյանի գրառումը. «Մնալով տարբեր լինենք միասին
Մենք պարտավոր ենք վերագտնել մեր ազգային միասնությունը և սովորել հայերով միասին ապրել ու արարել Հայաստանում երազելով մեր հայրերի փոխանցածը վերականգնել և փոխանցել մեր հաջորդ սերնդին:
Իրականում վերաիմաստավորումներս 2018թ. փոփոխություններից բացված հույսերից սկսվեցին 2018-ի հունիսի վերջերից: Պարզապես ընթերցեք այդ ժամանակվա գրարումներս և կնկատեք, թե ինչպես սկսեցի մեղմ ու կառուցողական քննադատել: Հույսերս, որ այլ ուղիով կգնանք, 2019-ի սեպտեմբերից սկսեցին սպառվել, բայց դիմադրում էի. դե հույսը վերջին է մահանում: Իսկ հավատս, որ խելքի կգանք անվտանգության սպառնալիքների ներքո, առաջին անգամ ճաք տվեցին նոյեմբեր 10-ին:
Ասածս ինչ է՝ մեր պատերազմը չի ավարտվել: Նոր սպառնալիքների ներքո ենք, ինչպես մեր հայրենիքի տարածքում, այնպես էլ տարածաշրջանում: Դրանք չեն լինելու վիրտուալ, այլ իրական՝ հողի վրա: 2021թ. լինելու է ծանր տարի, և ամբողջովին մեզանից է կախված այն գնահատականը, որը կստանանք 2020-ի հետ համեմատելով: Մեր ժամանակային ռեսուրսը սպառված է: Պարտավոր ենք աշխարհին էլ ապացուցել, որ երբ ընտրում են միայն հայերին ճնշելու ճանապարհը, ապա լինում են հետևանքներ: 1997-ին դա ցուցադրեցինք աշխարհին՝ խաղաղ և գիտակցված, բոլոր կողմերից: Հիմա պարտավոր ենք նույնն անել 2021-ին՝ կրկին խաղաղ և գիտակցված բոլորի կողմերի կողմից:
Իսկ առաջին քայլը միշտ պարտավոր է անել իշխանությունը՝ հեռանալով:
Հեռացի՛ր հանուն Հայաստանի։ Հեռացե՛ք, Աստծո սիրուն, հեռացեք խաղաղ, գիտակցված՝ գոնե մեկ անգամ առաջնորդվելով Հայաստանի շահով»: