«Ավտոբուսի վարորդը քիչ էր մնում վրաերթի ենթարկեր անցումով անցնող իմ երեխային». Արեն Ափիկյան

Բիզնես-խորհրդատու Արեն Ափիկյանը ֆեյսբուքյան իր էջում գրել է. «Հենց նոր, այ էս ավտոբուսի վարորդը Սարյան փողոցում, Վալդորֆյան դպրոցի դիմաց գտնվող հետիոտնային անցումի վրա, քիչ էր մնում վրաերթի ենթարկեր անցումով անցնող իմ երեխային: Երևանի քաղաքապետարան, Ճանապարհային ոստիկանություն, Տաթևիկ Ստամբուլյան ջան, պահանջում եմ տեսախցիկներով ստուգել այս փաստը և պատժել ավտոբուսի վարորդին: Բախտը բերել ա, որ ես չեմ եղել մեքենայի ղեկին, կինս էր: Թե չէ կարողա դժբախտ պատահար պատահեր այս վարորդի հետ:
Ի դեպ, «նախկինների» ժամանակ այստեղ միշտ ՃՈ պատրուլ էր կանգնած առավոտները և հետևում էին անցումին: Արդեն վաղուց ՃՈ պատրուլները միայն կառավարության դիմաց են կանգնում...»: