Պաշտոնական․ Խաբիբ Նուրմագոմեդովը ավարտել է մարզական կարիերան

UFC-ի բացարձակ չեմպիոն Խաբիբ Նուրմագոմեդովը պաշտոնապես ավարտել է մարզական կարիերան: Այս մասին Twitter-ի իր էջում գրել է UFC-ի նախագահ Դանա Ուայթը։
«Նա 100%-ով պաշտոնապես անցնում է թոշակի։ Անհավանական էր նայել, թե ինչպես էիր դու աշխատում, շնորհակալ եմ ամեն ինչի համար, վայելի՛ր այն, ինչ սպասվում է քեզ, ընկերս»,- ասել է Ուայթը:
2020 թվականի հոկտեմբերին Նուրմագոմեդովը 2-րդ ռաունդում հաղթել է ամերիկացի Ջասթին Գեյթջիին և հայտարարել կարիերան ավարտելու մասին: Իր որոշումը նա բացատրել է մորը տված խոստումով։ 32-ամյա Նուրմագոմեդովը խառը մենամարտերում 29 մարտ է ունեցել՝ չկրելով ոչ մի պարտություն: UFC-ում հանդես է եկել 2012 թվականից՝ տանելով 13 հաղթանակ: