Փաշինյանը հակասում է ԱՆ-ի կողմից հրապարակված զոհերի թվին

Վարչապետ Նիկոլ Փաշինյանը երեկ՝ մարտի 20-ին Արագածոտնի մարզ կատարած այցի ժամանակ հայտարարել էր, թե Արցախյան վերջին պատերազմի ժամանակ պաշտոպապես հաստատված տվյալներով՝ հայկական կողմն ունի 3250 զոհ: Միևնույն ժամանակ Փաշինյանը հայտարարել էր, թե զոհերի թիվը չի անցնի 4000-ը:
Հիշեցնենք, սակայն, որ դեռևս մեկ ամիս առաջ՝ փետրվարի 18-ին Առողջապահության նախարարությունը հայտնել էր, որ փետրվարի 13-ի դրությամբ հայկական կողմի արձանագրած (դատաբժշկական փորձաքննության ենթարկված) զոհերի թիվը 3577 է։

Այսպիսով, պետական պաշտոնական 2 մարմիններ իրար հակասող թվեր են ասում: Հասարակության շրջանում հայկական կողմի զոհերի հարցում տարբեր թվեր են շրջանառվում. մի մասը հակված է չհավատալու պաշտոնական թվերին: