«Ցեղասպանն իր ցմահ պատիժը պետք է կրի Եռաբլուրում իրեն համար հատուկ կահավորված զնդանում». զոհված զինվորի հայր

Զոհված զինծառայողի հայր Զավեն Մկրտչյանը ֆեյսբուքում գրել է. «Ցեղասպանն իր ցմահ պատիժը պետք է կրի Եռաբլուրում իրեն համար հատուկ կահավորված զնդանում, որի փոսը պետք է փորեն զոհված տղերքի հայրերն ու որդիներն իրենց ձեռքերով, իսկ զնդանը կահավորեն նահատակվածների շիրմաքարերի նկարներով, այն նահատակվածների, «որոնք զոհվել են ինչի՞ համար, նրա համար, որ գերագույն գլխավոր դիվանագետը Ալիևին հակադարձելու բան ունենա», ու որ բարձրախոսն էլ 24 ժամ, առանց դադարի ու քուն տալու հնարավորության, ինչպես ինքն անքուն սարքեց հազարավոր ծնողների, հնչեցնի այդ շիրմաքարերի վրա գրված մեր անմեղ զոհերի անունները, որոնց պարտադրվել էր անմահանալ իրենց հերոսությամբ թշնամու դեմ անհավասար պատերազմում»։