«Մենք անգամ նորմալ թշնամություն անել չսովորեցինք». Վահե Տեր-Մինասյան

«Առողջապահության ազգային ինստիտուտի ուռուցքաբանության ամբիոնի վարիչ Վահե Տեր-Մինասյանը ֆեյսբուքյան իր էջում գրել է. «Մենք անգամ նորմալ թշնամություն անել չսովորեցինք։ ԱԽՔ–ի մեղմ ասած ոչ այնքան խելացի մեկնաբանություններն իրականում եկան լրացնելու մեր դաժան իրականությունը, որ մենք կորցնում ենք ոչ միայն ինքնիշխանությունը, այլև ինքնագիտակցումը։ Ու դա չկորավ ոչ երեկ, ոչ էլ վերջին վեց ամսում։ Դա կորավ այն ժամանակ, երբ թուրքիայի հետ փակ սահմանների պայմաններում մեր խանութները ողողվեցին թրքական ապրանքներով (քանի որ այն գնող կար)։ Երբ հազարավոր հայաստանցիներ գնացին թուրքիա աշխատելու (չասեք Հայաստանում աշխատանք չկար՝ ընտրեիք աշխարհի այլ 200 երկրներից մեկը)։ Երբ Անթալիայի ափերին ամեն ամառ հազարավոր հայ զբոսաշրջիկներ հայտնվեցին...: Բա թշնամությունն ո՞ւր մնաց: Թշնամությունը մնաց ադրբեջանում, որտեղ 30 տարի հայկական ազգանվամբ որևէ մեկը ոտք չդրեց, անգամ եթե ներկայացնում էր այլ երկիր, անգամ եթե պետական պատվիրակության անդամ էր...: Թշնամությունը մնաց ադրբեջանական դաստիարակության ու գաղափարախոսության ու ատելության մեջ, որը շատ լավ աշխատեց: Իսկ մենք շարունակում էինք երկու կոպեկի համար թրքական ապրանք կրել ու թշնամուն հարստացնել, որ հետո այդ նույն թշնամին մեզ սպանի և՛ օդում և՛ հողի վրա։ Սպանելուց հետո էլ կբացի սահմանները, որ մենք ավելի շատ թրքական ապրանք բերենք, որ իրենք էլ ավելի հարստանան ու ավելի կատարյալ զենքեր ստեղծեն ու մեզ էլի:
Կարևորը չմոռանանք ապրիլի 24-ին Ծիծեռնակաբերդ գնալ:
Մենք էդպես էլ չսովորեցինք թշնամություն անել...»: