«21-րդ դարում մեր գյուղերը գույներից զրկված են». Փաշինյանի ելույթը Մյասնիկյանում

Վարչապետն այսօր Արմավիրի մարզ կատարած այցելության ժամանակ այցելեց Մյասնիկյան համայնք, որտեղ ելույթի ժամանակ անդրադարձավ Հայաստանի խնդիրներին. «21-րդ դարն ա, բայց մեր գյուղերի ճանապարհները ցեխերի մեջ թաղված են, տները՝ գույներից զուրկ: Սա Հայաստանում համատարած պրոբլեմ է, մեր երկրի վարելահողերի կեսը չի մշակվում, 74%-ը չի ոռոգվում: Մինչդեռ մեր լեռնաշխարհում տարեկան այնքան ջուր է գոյանում, որ ոչ միայն մեր կարիքները կբավարարեր, այլև մեծ ավելցուկ կունենայինք: 30 տարվա ընթացքում մենք գնացել ենք բազմաթիվ զոհողությունների հանուն Արցախի, հանուն բանակի, բայց մեր այդ զոհողությունները չեն օգտագործվել այնպես, որ մենք այս վիճակին չհասնենք: 30 տարի մեր թիկունքում պարտություններ են հյուսվել»: Նա նաև հավաստիացրեց՝ այս տարվա նոյեմբերից ՀՀ-ում ցածր աշխատավարձով ուսուցիչներ չեն լինի: