Էդգար Ճաղարյանը հերքում է մարզպետ նշանակվելու մասին լուրը

Այսօր ՀՀ տնտեսական մրցակցության պաշտպանության պետական հանձնաժողովի անդամի պաշտոնից հրաժարական տված Էդգար Ճաղարյանն իր աշխատանքը կշարունակի Արցախում: Նա ՀԺ-ի հետ զրույցում հերքել է այն տեղեկությունը, թե նշանակվելու է Տավուշի մարզպետ:

Նշենք, որ Հայկ Չոբանյանը Կառավարության վաղվա նիստում կազատվի զբաղեցրած պաշտոնից և աղբյուրի տեղեկություններով, կնշանակվի Բարձր տեխնոլոգիական արդյունաբերության նախարար: Աղբյուրի հետ զրույցում, սակայն, Ճաղարյանը հերքել է իր՝ Տավուշի մարզպետ դառնալու վերաբերյալ լուրերը և տեղեկացրել, որ տեղափոխվում է Արցախ՝ աշխատանքն այնտեղ շարունակելու: Թե ինչ պաշտոնի է Արցախում նշանակվելու, նա չի նշել: