Կառավարությունը գիտության ֆինանսավորումն ավելացրեց 2,78 մլրդ դրամով

749

Հինգշաբթի, 08 ապրիլի, 2021 թ., 11:52

Այսօր՝ Կառավարության նիստում, առաջարկվեց «Հայաստանի Հանրապետության 2021 թվականի պետական բյուջեի մասին» օրենքով նախատեսված 1162 գիտական և գիտատեխնիկական գործունեության ծրագրերի միջոցառումների իրականացման համար հատկացված ֆինանսական միջոցները (13,104,247.3 հազ. դրամ) ավելացնել 2,784,565.4 հազ. դրամով։

ԿԳՄՍ փոխնախարար Ժաննա Անդրեասյանի խոսքով՝ վերոնշյալ փոփոխության համար հիմք են ծառայել վարչապետի մոտ գիտության ոլորտի զարգացման հեռանկարների մասին խորհրդակցության ժամանակ տրված հանձնարարականները:

Փոխնախարարը նշեց, որ միջոցներն ուղղվելու են երկու ոլորտների՝ թեմատիկ գիտական հետազոտություններին և ենթակառուցվածքի արդիականացման ծրագրերին։

«Այս միջոցով կկարողանանք ապահովել փորձարարական գիտությունների բնագավառում հետազոտությունների լիարժեք հենքը, որը կբերի հետազոտությունների որակի բարձրացմանը»,- նշեց Անդրեասյանը:

Որոշումն ընդունվեց միաձայն։