«Գրում են՝ ես հայ եմ, թուրքն է իմ միակ թշնամին, կարծես վախ կա, որ այդպես չի». Հրանտ Վարդանյան

Կինոռեժիսոր Հրանտ Վարդանյանը ֆեյսբուքյան իր էջում գրել է. «Թուրքական երաժշտության տակ քեֆ ու հարսանիք են անում, իրար թուրք են ասում, նսեմացնողին բարեկամ կոչում: Հետսովետական շրջանի հինգ ղեկավարներից երեքը ոչ հայերեն են խոսում, ոչ էլ մեկ այլ լեզվով են կարողանում մտքեր ասել. ովքե՞ր են այս մարդիկ:
Տեսնես ի՞նչ կապ կա՝ ժամանակակից Հայաստանի ու հայկական մշակույթի միջև: Մատենադարանի հատորների ու ժամանակակից ՀՀ սահմանադրության տողերն ինչքանո՞վ են իրար հետ կապված:
ՖԲ-ում գրում են, որ ես հայ եմ, թուրքն է իմ միակ թշնամին՝ կարծես վախ կա, որ դա այդպես չի: Կամ էլ հատուկ շեշտում են մեկին, որպեսզի իրենք իրենց ու մնացածին չտեսնեն, որպես այդպիսին, բթանան մի կետի վրա ու վախերի մեջ ապրեն:
Լավ, այս բազմատաղանդ հին ժողովուրդն այդ ի՞նչ մեղք է գործել իր պատմական անցյալում, որ այսքան ինքնախարազման կարիք ունի»: