«Հստակ տեղեկացրեք՝ ով ում հետ է պայմանավորված եղել, և ինչու չի կատարվել վերադարձը»․ Սաքունց

Իրավապաշտպան Արթուր Սաքունցը ֆեյսբուքյան իր էջում գրել է․ «ՀՀ կառավարությունից, վարչապետից, փոխվարչապետից պահանջում եմ պարզաբանում ներկայացնել, ամենայն մանրամասնությամբ այսօր գերիների վերադարձի հետ կապված այս ողջ խայտառակ պատմության պատճառների մասին։
Սա անտանելի անմարդկային վերաբերմունք է, բայց առավել անթույլատրելի է պարզաբանումների չներկայացնելն ու պատասխանատվության բացականությունը։
Շատ հստակ տեղեկացրեք, թե ինչի հիման վրա տարածվեց գերիների վերադարձի մասին տեղեկությունը, ով ում հետ է պայմանավորված եղել, և ինչու չի կատարվել վերադարձը»։