«Ամբողջ Շիրակի մարզը պարալիզացված է». Սոֆյա Հովսեփյան

«Նախարարությունն այս անգամ ծնողներին առաջարկել էր հանդիպում 10-10 հոգով, բայց ծնողները մերժել են այն՝ պահանջելով հանդիպում ամբողջ կազմով»,- լրագրողների հետ զրույցի ժամանակ ասաց ԱԺ անկախ պատգամավոր Սոֆյա Հովսեփյանը: Պատգամավորի խոսքով՝ այս պահին ՊՆ տարածքում են 50-60 ծնող:

Նա հայտնեց, որ գերեվարված զինծառայողների ծնողների մի մասն էլ շարունակում է փակ պահել Երևան-Գյումրի ճանապարհը. «Ամբողջ Շիրակի մարզը պարալիզացված է այս պահին: Նրանք պահանաջում են հանդիպում վարչապետի հետ: Կարծես թե ծնողներն այսօր՝ ժամը 16:00-ին պետք է հանդիպեին վարչապետի հետ, բայց չեկան. պահանջում են, որ Փաշինյանը գնա»,- ասաց Հովսեփյանը: