«Ակնկալիք չկա»․ գերիների և անհետ կորած զինծառայողների հարազատները դժգոհ են հանդիպումից

Անհետ կորած զինծառայողների, գերիների հարազատները, դուրս եկան ՊՆ շենքից։

Հիշեցնենք, որ ավելի քան 4 ժամ է՝ ընթանում էր ԳՇ պետի և ՊՆ բարձրաստիճան պաշտոնյաների հանդիպումը։

Ծնողները նշեցին, որ դժգոհ են հանդիպումից՝ հավելելով, որ Գլխավոր շտաբի պետ Արտակ Դավթյանը բացարձակապես չի տիրապետում իրավիճակին, իսկ ՊՆ նախարարը անգամ ներկա չի եղել հանդիպմանը:

«Ակնկալիք չկա իրենցից, ասում են՝ աշխատում ենք, աշխատում ենք, բայց աշխատանքը չհասկացանք, թե որն էր»,– ասաց հարազատներից մեկը։ Նա նշեց, որ տիրող իրավիճակն անհասկանալի է, իսկ գերիների և անհայտ կորածների հարցը՝ «օդում կախված»: