Շիրակի մարզպետարանում իրավիճակը շարունակում է լարված մնալ․ ոստիկանները շրջափակել են շենքը

Շիրակի մարզպետարանում իրավիճակը շարունակում է լարված մնալ։ Այս պահին բազմաթիվ ոստիկանական ուժեր շրջափակել են մարզպետարանի շենքը։

Ավելի վաղ, ոստիկանությունը բռնի ուժ կիրառելով, փորձել է մարզպետարանի մուտքը բացել, սակայն շենքը շրջափակած գերիների հարազատները դիմադրել են, ինչի հետևանքով մի կին է վնասվածք ստացել։

Ինչպես արդեն հայտնել ենք՝ ԱԱԾ Շիրակի ՄՎ պետը ժամեր առաջ փորձել է բանակցել գերիների հարազատների հետ, որ բացեն մարզպետարանի մուտքերն ու ելքերը, սակայն ապարդյուն։

Նրանք պնդում են, որ չեն հեռանա մարզպետարանի շենքից և չեն թողնի նաև մարզպետին ու աշխատակիցներին դուրս գալ, մինչև վարչապետ Նիկոլ Փաշինյանը և ՀՀ ՊՆ նախարարը չժամանեն Գյումրի և պատասխանեն իրենց հարցադրումներին՝ կապված գերիների վերադարձի գործընթացի հետ:

Լուսանկաները՝ Արմենուհի Վարդանյանի ֆեյսբուքյան էջից։