«Փաշինյանի ելույթում անցյալի հիշատակումները խղճուկ են․ ամեն ինչ արվում է ընտրությունների համար». Ալ. Իսկանդարյան

Քաղաքագետ Ալեքսանդր Իսկանդարյանն «Առաջին լրատվական»-ի եթերում արձանագրել է այն փաստը, որ մինչև այժմ քաղաքական գործիչները շարունակում են արդարանալ:

«Նրանք շարունակում են արդարանալ և ասել, թե ինչեր են արել տարբեր պատմական գործիչներ՝ ինչ է ասել Լևոն Տեր-Պետրոսյանը, ինչ է արել Ռոբերտ Քոչարյանը, ինչպես է իրեն պահել Սերժ Սարգսյանը։ Դրանով նրանք ուզում են ասել, որ մենք չենք ամենավատը, եղել են ավելի վատերը։ Անցյալի հետ այդ խոսակցությունը, նախկինների ու ներկաների այդ բաժանումն այսօր դրվում է որպես գաղափարախոսություն, և ինձ հայտնի է, թե ինչու։ Երբ լսում ես վարչապետին, նա անընդհատ շարունակում է խոսել անցյալի մասին՝ քիչ է մնում հասնի մինչև Թութանհամոնի կամ Տիգրան Մեծի ժամանակաշրջան, իսկ մեզ ջրի պես շատ է անհրաժեշտ խոսել ապագայի մասին։ Պետք է խոսել, թե ինչ կլինի, այլ ոչ թե 10 կամ 20 տարի առաջ ով է մեղավոր եղել»,- ասել է նա՝ հավելելով, որ անցյալի հիշատակումները խղճուկ են և արվում են միայն ընտրությունների ժամանակ ձայներ հավաքելու համար:

Մանրամասները՝սկզբնաղբյուրում: