Երեքշաբթի, 21 ապրիլի, 2026 թ.
|
Ստեփանակերտում`   +8 °C

«Ոչ մի բանի վերաբերյալ հստակ պատասխան չունենք». զինծառայողի ծնողը՝ վարչապետի հետ հանդիպման մասին

«Ոչ մի բանի վերաբերյալ հստակ պատասխան չունենք». զինծառայողի ծնողը՝ վարչապետի հետ հանդիպման մասին
193
Երկուշաբթի, 19 ապրիլի, 2021 թ., 14:44

Քիչ առաջ ավարտվեց վարչապետի և ժամկետային զինծառայողների ծնողների հանդիպումը: «Ոչ մի բանի վերաբերյալ հստակ պատասխան չունենք»,- դուրս գալով Կառավարության շենքից՝ լրագրողների հետ զրույցում ասաց ժամկետային զինծառայողի ծնող Տիգրան Գալստյանը:

«Վարչապետի կողմից մեր ֆորմատն ընդունելի էր: Մեր սոցփաթեթը ներկայացրեցինք պատերազմի մասնակիցների վերաբերյալ, խոսք տվեց, որ 2-3 օրվա ընթացքում սոցփաթեթի վերաբերյալ պատասխաններ կլինեն: Կլինի՝ նոր կասենք»,- ասաց նա՝ նշելով, որ այս պահին ոչինչ հրապարակել չի կարող:

Հարցին՝ ծառայության ժամկետը կրճատելու վերաբերյալ տեղաշարժ չկա՞, պատասխանեց, որ ոչինչ չի կարող ասել այն հարցի վերաբերյալ, ինչը չի քննարկվել;

Հավաքվածները նշեցին, որ վարչապետի հետ իրենց աշխատանքային հանդիպումները շարունակական են լինելու:

«Ոչ մի բանի վերաբերյալ հստակ պատասխան չունենք». զինծառայողի ծնողը՝ վարչապետի հետ հանդիպման մասին