«Ես չեմ կարող ինձ նույնականացնել անբարոյականության և անբարոյականների հետ». Արմեն Բիլյան

«2016-ի հուլիսին գործողության գնացել եմ ամբողջական համոզումով ու մինչև այս րոպեն հավատարիմ եմ մնում համոզմունքներին, բայց սխալ է 2018-ին ստեղծված «Սասնա ծռեր» կուսակցությունը նույնականացնել ՊՊԾ գունդը գրաված խմբավորման հետ: Ես չեմ կարող ինձ նույնականացնել անբարոյականության ու անբարոյականների հետ: Ամեն ինչի սկիզբը բարոյականությունն է, իսկ այդ անվան տակ հանդես եկող քաղաքական խմբի առաջնորդները բարոյականությունից հեռու են թե քաղաքականության մեջ, թե մարդկային հարաբերություններում»,- ասուլիսի ժամանակ հայտարարեց «Սասնա ծռեր» խմբավորման անդամ Արմեն Բլյանը, ով, ավելի վաղ հորդորել էր իրեն չկապել նույնանուն կուսակցության և ԱԺԲ-ի հետ: «Կարծես ընկերոջ շինծու մեղադրանքով կալանավորման հանդեպ անտարբեր մնալը հերիք չէր, նրանք համարձակվել են ինձ ու հարազատներիս համարել ծախված, կոպտել մինուճար մնացած հիվանդ մորս ու ծանր հիվանդ քրոջս, ու ավելի քան 2,5 տարի ոչ նյութական, ոչ բարոյական աջակցություն չեն ցուցաբերել նրանց»,- հավելեց Բիլյանը: