«Սյունիքը Ֆիզուլին չէ». Ստյոպա Սաֆարյան

Հանրային խորհրդի նախագահ Ստյոպա Սաֆարյանը ֆեյսբուքյան իր էջում գրել է. «Ափշերոնի չկայացած տեռորիստին պետք է միջազգային բոլոր հարթակներում պարզ բացատրվի, որ Սյունիքը Ֆիզուլին չէ, ու իր մտավարժանքները անի Մեհրիբանի մոտ, բայց ոչ թեյի սեղանից այն կողմ։ Կարծում եմ՝ Ռուսաստանը, որպես եռակողմ հայտարարության երաշխավոր, պետք է գնահատական տա նման խուլիգանական հայտարարություններին ու բացատրի նրան նոյեմբերի 9/ 10-ի հայտարարության բովանդակությունը, որտեղ միջանցքի մասին խոսք կամ բառ չկա։ Ի վերջո, Սյունիքը միջազգայնորեն ճանաչված երկրի ինքնիշխանության ու լեգիտիմ պաշտպանության ներքո գտնվող տարածք է, և նրա նկատմամբ ոտնձգությունը միջազգային իրավունքի կոպտագույն խախտում և Հայաստանի դեմ նման ոտնձգությունը ոտնձգություն է նաև Ռուսաստանի ու ՀԱՊԿ-ի դեմ։ Հայաստանը չպետք է թույլ տա, որ Ալիևն այս անգամ էլ իրեն հաճելի եղանակներով ընթերցի այն, ինչը արեց ու ինչը թույլ տվեցինք Մադրիդյան սկզբունքների դեպքում։ Սելեկտիվ ընթերցանություն չի լինելու»։