«Առաջ մեկը թռներ պետական ավտոյի բամպերին, սեռական քֆրտեր, 10 րոպեում կտային կսպանեին». Լ. Բարսեղյան

«Ասպարեզ» ակումբի խորհրդի նախագահ Լևոն Բարսեղյանը ֆեյսբուքյան իր էջում գրել է. «Առաջ մեկը թռներ պետական ավտոյի բամպերին, կանգնեցներ պետական ավտոշարասյունը, հրապարակավ սեռական քֆրտեր պետական պաշտոնյային, 10 րոպեում կտային կսպանեին, 10 չէ, 3 րոպեում՝ զուգարանում, կամ կփակեին մի 10-15 տարով: Քրեական օրենսգրքում մի փունջ հոդված կա էս գործողությունների համար: Ոչ մի քրեական գործ էլ չի հարուցվելու Ագարակի այլանդակության համար:
Ընդդիմությունը, մեղա այդ բառի համար, ասենք՝ իշխանությանը դեմ ելածները՝ անկախ դրդապատճառներից, երբեք այսպես արտոնյալ, հարուստ ու անպատիժ չեն եղել Հայաստանում: Չքնաղ երկիր, հրաշք աննման»: