«Ասում էին՝ այդ գումարներով Կառավարությունը պարգևավճարներ է վճարել». Նիկոլ Փաշինյան

«2020թ. բյուջեի հետ կապված կար մի մեծ ու կարևոր շահարկում, խոսքը՝ «Հայաստան» համահայկական հիմադրամի կողմից փոխանցված գումարների մասին է: Շահարկում էին, որ այդ գումարներով Կառավարությունը պարգևավճարներ է վճարել, այլ կարիքներ հոգացել»,- հայտարարեց վարչապետ Նիկոլ Փաշինյանը: «Ռազմական դրությամբ պայմանավորված ծախսերի համար Կառավարությունն իրականացրել է շուրջ 120 մլրդ դրամի հատկացում, որից 52 մլրդ-ն է հատկացվել հիմնադրամի կողմից»,- հավելեց Կառավարության ղեկավարը: Նա նշեց, որ պատերազմի 44 օրերին հանգանակվել է 212 մլն դոլար, այսինքն՝ «հանգանակվել է 28 տարվա ընթացքում հանգանակվածի ավելի քան 70 տոկոսի չափ գումար»: