«Փաշինյանի կառավարման հետևանքով են Հայաստանի երեք թշնամիները եկել-հասել-նստել Սյունիքի դռանը». Նարինե Մկրտչյան

Մամուլի ազգային ակումբի նախագահ, «Քաղաքական լիգայի» համակարգող Նարինե Մկրտչյանը ֆեյսբուքյան իր էջում գրել է. «Իզուր են իշխանամերձ շրջանակները զայրանում և զարմանում սյունեցի ցուցարարների՝ կոպիտ և հայհոյախառն խոսքից: Նախ, Փաշինյանի կառավարման և ռազմական ծանր պարտության հետևանքով են Հայաստանի երեք թշնամիները եկել-հասել-նստել Սյունիքի դռանը: Երկրորդ. զայրանալ և զարմանալ պետք էր այն ժամանակ, երբ Նիկոլ Փաշինյանը վարչապետի պաշտոնում նման մերժելի բառապաշար էր օգտագործում փողոցում ցույցեր անելիս, կառավարության նիստը վարելիս և ԱԺ ամբիոնից ելույթ ունենալիս:
Քամի սերմանողը փոթորիկ կհնձնի»: