«Եվրոպացի պատվիրակներն իրենց դիրքորոշումն արտահայտեցին առ այն, որ բոլոր հայ ռազմագերիները պետք է անհապաղ վերադարձվեն»․ Ռուբեն Ռուբինյան

«ԵԽԽՎ այս նստաշրջանում մեր պատվիրակության գլխավոր նպատակը ռազմագերիների թեման ԵԽԽՎ-ում հերթական անգամ քննարկման դնելն էր»,- այս մասին այսօր՝ ասուլիսի ժամանակ, հայտարարեց ԵԽԽՎ-ում Հայաստանի պատվիրակության ղեկավար, ԱԺ «Իմ քայլը» խմբակցության պատգամավոր Ռուբեն Ռուբինյանը։

«Այս անգամ մեզ հաջողվեց, քաղաքական ուժերի միջև կոնսենսուս ապահովելով, հայ ռազմագերիների և փախստականների թեման դարձնել ընթացիկ քննարկման թեմա ԵԽԽՎ լիագումար նիստի ընթացքում, երբ բացի թուրք և ադրբեջանցի պատվիրակներից, ելույթ ունեցող եվրոպացի պատվիրակները միանշանակ իրենց դիրքորոշումն արտահայտեցին առ այն, որ բոլոր հայ ռազմագերիները պետք է անհապաղ վերադարձվեն»,- նշեց նա։