«Ի՞նչ երաշխիք կա, որ թուրքն ավելի հախուռն չի գրավի անշարժ գույքի շուկան». Կարեն Հովհաննիսյան

Ռազմագետ Կարեն Հովհաննիսյանը ֆեյսբուքյան իր էջում գրել է. «Տարիներ առաջ գրեթե բոլորը բողոքում էին իրանցիների ներկայացվածությունից Հայաստանում։
Գրեթե բոլորի համար անսովոր էր, որ Իրանի քաղաքացի, սակայն ազգությամբ ոչ հայը կարող է ՀՀ-ում ամենուր գնել անշարժ գույք, բիզնեսներ և ծավալել գործունեություն։ Վստահ եմ, հիշում եք, թե ամեն անգամ մարտ ամսին ինչպիսի մեծ աղմուկ էր բարձրանում համացանցում, թե մայրաքաղաք Երևանում որքան Իրանի քաղաքացի կա։ Հաճախ խոսվում էր նրա մասին, որ մի քանի տարի հետո մենք կունենանք չափահաս քաղաքացիներ, որոնց հայրերը Հայ չեն։
Ի՞նչ երաշխիք կա, որ մեզ թշնամի թուրքը ավելի հախուռն չի գրավի անշարժ գույքի շուկան, ապօրինի զավակներ չի ունենա․․․
Ի՞նչ երաշխիք ունեք, որ թուրքը շուկայական գնից անհամեմատ թանկ գնով չի գնի մայրաքաղաքում մի ամբողջ թաղամաս, մարզերում մի ամբողջ մարզի վարելահողերը և այլն, և այլն, և այլն։
Եթե մի բանից չեք հասկանում, ապա մի՛ փորձեք քարը գցել հորը, այլապես հետո հազար իմաստուն այդ քարը հազիվ թե կարողանան հանել հորից․․․»: