«Իմ փեսան Շիրակից գերեվարված 62 տղաներից մեկն է». Գյումրիի բնակիչ

«Ազատություն հայ ռազմագերիներին» քաղաքացիական նախաձեռնության այսօրվա ակցիայի ժամանակ գյումրեցի տղամարդը հայտնեց, որ իր փեսան ևս գերիների թվում է. «Նա Շիրակի մարզից գերեվարված 62 տղաներից մեկն է, իհարկե 8-ը վերադարձան, 54-ը գտնվում են այնտեղ: Նա տանը թողել է երիտասարդ կնոջը, մորը, երեխային: Նամակագրական որոշ կապեր ունեցանք, բայց սա ժամանակավոր հանգստացնող բան է. 5 ամիս է մեր տղաներին չենք տեսել, ծնողները հոգեկան ահավոր ապրումների մեջ են: Հույս ունենք՝ այս ակցիայով ևս մեկ անգամ կկարողանանք աշխարհի ուշադրությունը գրավել գերիների խնդրի վրա»,- ասաց ակցիայի մասնակիցը: