«Ոչ մեկ բարոյական իրավունք չունի մեզ պարտադրի Արցախ գնանք, անգամ պրեզիդենտը». Կումայրի համայնքի ղեկավար

«Պետության կողմից տրվող բնակարանների վարձավճարների հետ կապված, որ որպես հյուրընկալող փոխանցվում էր, բավականին խնդիրներ կան: Շատ ընտանիքներ մի փաստաթղթի պատճառով չեն կարողանում այդ օգնությունից ստանալ: Հետաքրքրվող չկա անգամ, թե այդ մարդիկ որտեղ են բնակվում»,- լրագրողների հետ զրույցում ասաց Կառավարության դիմաց բողոքի ակցիա իրականացնող Կումայրի համայնքի ղեկավար Արտավազդ Խանդոյանը:

Նա նշեց, որ այս պահին 10 ընտանիք չի կարողանում ստանալ այդ ծառայությունների օգնությունից. «Բոլորի դռները թակել ենք՝ էսօր-վաղը, էսօր-վաղը...»:

Ինչ վերաբերում է տեղահանված քաշաթաղցիների՝ Արցախի շրջաններ տեղափոխվելուն, վերջինն ասաց. «Ոչ մեկ բարոյական իրավունք չունի մեզ պարտադրի Արցախ գնանք, անգամ պրեզիդենտը: Թող ստեղծեն պայմաններ, մարդիկ ուզենան՝ ինքնակամ կգնան»: