«ՀՀ տարածքում ռուսական բազայի «հենակետերի» թիվը սահմանվա՞ծ է, թե ինչքան ցանկանան, այնքան էլ կունենան». Սաքունց

Իրավապաշտպան Արթուր Սաքունցը ֆեյսբուքյան իր էջում գրել է․ «Մի հատ միամիտ հարց
Հիմա Հայաստանի Հանրապետության տարածքում ռուսական բազայի «հենակետերի» թիվը սահմանված է, թե ինչքան ցանկանան, այնքան էլ կարող են ունենալ։
Հարցը տվյալ դեպքում առնչվում է պետության ինքնիշխանության սահմանադրական հիմնարար սկզբունքի երաշխավորմանը։
Կամ էլ քաջություն է պետք ունենալ ուղղակի ամրագրել անվտանգության ռազմավարությունում, որ ՀՀ անվտանգությունը հիմնված է ռուսական ռազմական բազայի վրա ու վերջ։ Անվտանգության ռազմավարության մասին մնացած տեքստն ուղղակի անիմաստ ու անիրական ձևակերպումներ են։
Քաղաքական ուժերը, որոնք հավակնում են ՀՀ-ի իշխանության մանդատ ստանալ առաջիկա արտահերթ ընտրություններում, ինքնիշխան պետության անվտանգության ռազմավարության հայեցակարգ, մոտեցում ունեն, թե ոչ։ Եվ ինչ քայլեր են առաջարկում իրենց այլընտրանքին հասնելու համար»։