«Ճգնաժամային իրավիճակում ընտրությունները հարցի լուծում չեն»․ ԱԺԲ-ն հավաքն ամփոփեց ԱԺ-ի մոտ

«Երկրում ստեղծված քաոսային վիճակի պատասխանատուն թերուս կառավարությունն է»,-Ազգային ժողովի մոտ հայտարարեցին ԱԺԲ խորհրդի անդամները՝ բողոքի նոտա հղելով պատգամավորների «անպատասխանատու գործունեությանը»․ «Պարտավոր եք անհապաղ միջոցներ ձեռնարկել երկրում տիրող իրավիճակը շտկելու համար։

Ճգնաժամային իրավիճակում, այսպես կոչված՝ ընտրությունները, հարցի լուծում չեն»,- ասաց ԱԺԲ խորհրդի անդամ Վահե Գասպարյանը։

Ամփոփելով հավաքը նրանք հայտարարեցին հաջորդ հանրահավաքի օրը, որը տեղի կունենա մայիսի 14-ին ժամը 19։00-ին։