«Քիչ հետո Գևորգ Խաչատրյանը կլինի ազատության մեջ». Լուսինե Սահակյան

182

Երկուշաբթի, 10 մայիսի, 2021 թ., 17:40

Փաստաբան Լուսինե Սահակյանը ֆեյսբուքյան իր էջում գրել է. «Այսօր ՀՀ Վերաքննիչ քրեական դատարանը, նախագահությամբ դատավոր Սևակ Համբարձումյանի, բեկանեց Արմինե Մելիքսեթյանի կողմից ապրիլի 24-ին կայացված որոշումը, որով Ագարակի բնակիչ Գևորգ Խաչատրյանի նկատմամբ որպես խափանման միջոց էր ընտրվել կալանավորումը։
Քիչ հետո Գևորգ Խաչատրյանը կլինի ազատության մեջ։
Մնում է հարցնել Մելիքսեթյանին, թե իրեն որպես մարդ, առավել ևս դատավոր, ինչպե՞ս է զգում: Գևորգ Խաչատրյանը զրկվեց ազատությունից, բայց պահեց իր պատիվը։ Ազատությունից զրկվելով էլ պայքարեց մեր ապագայի համար, մելիքսեթյանների երեխաների ապագայի համար։ Իսկ Մելիքսեթյանի համար իր տված երդումը, իր երեխաների ապագան ոչինչ է։ Մելիքսեթյաններն անցողիկ են։ Մեր երկիրը պետք է իր մեջքն ուղղի ու զարգացման ուղին բռնի»։