«Նիկոլն ութ գյուղ խոսք է տվել Տավուշից, ևս մեկը՝ Արարատից»․ Հրանտ Բագրատյան

«Փաշինյանն էսօր ասաց՝ միջանցքի հարց չկա, դե եթե չկա՝ հրապարակեք բոլոր փաստաթղթերը։ Իմ կարծիքով կա գրավոր ստորագրված ևս մեկ հայտարարություն»,- այսօր «Հայելի» ակումբում խոսելով Սյունիքում տիրող իրավիճակի մասին՝ ասաց նախկին վարչապետ Հրանտ Բագրատյանը:

«Տավուշցիներ, լսե՛ք, էն որ Նիկոլի անունն եք տալիս, ուզում եք քվեարկեք։ Ըստ ադրբեջանական մամուլի՝ ութ գյուղ խոսք է տվել Տավուշից, ևս մեկը՝ Արարատից․․․ Էլ ի՞նչ ա պետք համոզվելու համար։ Ադրբեջանցիները մտել են Սյունիքի տարածք, բոլոր բարձունքների վրա հայ զինվորները նստած են, էլ ի՞նչ առիթ պիտի լինի․ շրջապատի՝ վերցրու, գերիների հարցն էլ կլուծես։ Ամբողջ աշխարհը քո կողքն է, բայց հրաման չի տրվում»,- ասաց Բագրատյանը՝ նշելով պատճառը․ «Որովհետև բանակը գտնվում է վախկոտ Վաղարշակ Հարությունյանի, վախկոտ Արտակ Դավթյանի ենթակայության տակ»։