Արարատ Միրզոյանը Վյաչեսլավ Վոլոդինի հետ հանդիպմանը ներկայացրել է սահմանային իրավիճակը

183

Երկուշաբթի, 17 մայիսի, 2021 թ., 20:05

ՀՀ ԱԺ նախագահ Արարատ Միրզոյանը ֆեյսբուքյան իր էջում գրել է. «Պետական դումայի ղեկավար Վյաչեսլավ Վոլոդինին ներկայացրեցի Լեռնային Ղարաբաղի շուրջ առկա իրավիճակը, մասնավորապես այն, որ մինչ օրս Ադրբեջանն ամբողջությամբ չի կատարել նոյեմբերի 9-ի եռակողմ հայտարարությամբ նախատեսված՝ ռազմագերիների և այլ պահվող անձանց վերադարձը:
Անդրադառնալով Ադրբեջանի զինուժի՝ ՀՀ տարածք ներխուժելուն՝ ընդգծեցի Հայաստանի Հանրապետության և, ըստ այդմ, ՀԱՊԿ պատասխանատվության տարածքի նկատմամբ որևէ ոտնձգության անթույլատրելիությունը»։