«Լեռնային Ղարաբաղի կարգավիճակի հարցը հեռու է կարգավորումից»․ ԵԽ պատգամավոր

Եվրոխորհրդարանի պատգամավոր Ջորդի Սոլեն ԵԽ այսօրվա լիագումար նիստում հայտարարել է․ «Լեռնային Ղարաբաղի կարգավիճակի հարցը հեռու է կարգավորումից։ Պատերազմը փառաբանվում և հայերի նկատմամբ ատելությունն արմատավորվում է Բաքվի, այսպես կոչված պուրակում:

Ադրբեջանի կառավարությունը հրաժարվում է կատարել իր միջազգային պարտավորությունները, անօրինական կերպով պահում է ռազմագերիներին և քաղաքացիական անձանց:

Բոլոր հայ գերիները, որոնք գերեվարվել են պատերազմի ընթացքում, թե դրանից հետո, պետք է անհապաղ ու անվերապահորեն ազատ արձակվեն։ Հայ բնակչության անվտանգությունը պետք է երաշխավորվի, ինչպես նաև նրանց մշակութային ժառանգությունը պետք է պաշտպանվի: Արցախի վերջնական կարգավիճակը չի կարող պարտադրվել ուժով կամ զենքով, պետք է լինի քաղաքական լուծում»: