Չորեքշաբթի, 18 նոյեմբերի, 2026 թ.
|
Ստեփանակերտում`   +9 °C

«Եվրոմիությունը հանդես է գալիս տարածքային ամբողջականության պահպանման օգտին»․ ՀՀ-ում ԵՄ դեսպանը եղել է Սյունիքում

«Եվրոմիությունը հանդես է գալիս տարածքային ամբողջականության պահպանման օգտին»․ ՀՀ-ում ԵՄ դեսպանը եղել է Սյունիքում
277
Հինգշաբթի, 20 մայիսի, 2021 թ., 16:55

Ինչպես արդեն հայտնել ենք, հայ-ադրբեջանական սահմանին տիրող իրավիճակին ծանոթանալու նպատակով Սյունիքի մարզ են այցելել Ֆրանսիայի, Գերմանիայի, Իտալիայի, Լեհաստանի, Ռումինիայի, Սլովակիայի, Հոլանդիայի և այլ երկրների դեսպաններ:

Լրագրողների հետ զրույցում ՀՀ-ում ԵՄ դեսպանը նշեց, որ իրենց այցի նպատակը փաստահավաք առաքելություն իրականացնելն է և իրադարձություններին տեղում ծանոթանալը։

«Եվրոմիությունը ցանկացած պարագայում հանդես է գալիս տարածքային ամբողջականության պահպանման օգտին»,- նշեց դեսպանը։

Հարցին, թե իրենք հենց Սև լճում եղե՞լ են, Անդրեա Վիկտորինը պատասխանեց․ «Անմիջապես Սև լճի տարածքում չենք եղել։ Անվտանգության նկատառումներից ելնելով՝ եղել ենք մոտակա բլրի մոտ, և մեզ հետ եղել է պատգամավոր Սյունիքից»։