«Թուրքերը, ավտոմատը պահած, հայերեն ասում էին՝ արի՛, ախպեր, արի՛». Գեղարքունիքի բնակիչ

Մայիսի 15-ին ՄԻՊ-ը փաստահավաք աշխատանքներ է իրականացրել Վարդենիս համայնքի Վերին Շորժա գյուղում, հարակից արոտավայրերում, ինչպես նաև Գեղամասար համայնքի Կութ գյուղում՝ կապված ՀՀ ինքնիշխան տարածքում 2021թ. մայիսի 12-ից ադրբեջանական զինվորականների անօրինական ներկայության պատճառով ՀՀ սահմանային բնակիչների իրավունքների կոպիտ խախտումների հետ:

ՄԻՊ գրասենյակից հայտնում են, որ փաստահավաք աշխատանքներով ադրբեջանական զինված ուժերի անօրինական արարքների վերաբերյալ ՀՀ մարդու իրավունքների պաշտպանի ձեռք բերած ապացույցները հաստատում են անվտանգության գոտի ստեղծելու ՀՀ մարդու իրավունքների պաշտպանի առաջարկի բացարձակ անհրաժեշտությունը՝ ՀՀ սահմանային բնակիչների իրավունքները երաշխավորելու նպատակով:

Արման Թաթոյանի հետ հանդիպման ընթացքում գյուղացիները պատմել են, թե ինչպես են ՀՀ տարածքում առաջին անգամ հանդիպել ադրբեջանցիներին. «Առավոտ տեսա էն բլրի գագաթին շարժ կա: Մերոնցից մեկին ասացի՝ ձին հեծի, բարձրացի վերև, տես՝ ինչ ա: Մեկ էլ մեր տղեն կապտած եկավ, ասեց՝ թուրքերը ավտոմատը պահին վրես, փախա: Իրեն հայերեն ասել են՝ արի՛, ախպեր ջան, արի»,- պատմում եմ Գեղարքունիքի մարզի բնակիչները: