Հակառակորդը վերադարձրել է արավուսցիների կովերից 37-ը

Բանակցությունների արդյունքում ադրբեջանական կողմը վերադարձրել է Արավուսի բնակիչների՝ սահմանն անցած խոշոր եղջերավոր անասուններից 37-ը: Այս մասին տեղեկացնում է Տեղի համայնքապետարանը:

«Տեղ համայնքի Արավուս բնակավայրից 42 խոշոր եղջերավոր անասուն անցել էին թշնամու ձեռքը։ Այսօր, վաղ առավոտից ՌԴ խաղաղապահների, համայնքի ղեկավար Ներսես Շադունցի, Առաջին բանակային կորպուսի հրամանատարի, Արավուս գյուղի վարչական ղեկավար Արգամ Հովսեփյանի կողմից իրականացված բանակցությունների արդյունքում 37 անասուն վերադարձվել է գյուղ։ Մյուս 5-ի համար բանակցությունները շարունակվում են»,- ասված է համայնքապետարանի ֆեյսբուքյան էջում տեղադրված հայտարարության մեջ: