«Նա վախենում է, որ լրագրողը կհարցնի՝ լավ, բա վերջը «Պապլավոկում» Պողոս Պողոսյանն ինչպե՞ս սպանվեց». Վ. Ալեքսանյան

«Այս պահին ընթանում է, իր իսկ բառերով իրեն երկրի միակ տղամարդ բնութագրած անձի ասուլիսը: Գիտե՞ք՝ որտեղ է ընթանում, ես էլ չգիտեմ: Այդ մասին չգիտեն նաև մի շարք ԶԼՄ-ներ, որոնք Քոչարյանի ու նրա կլանի նեղ, ընտանեկան տիրույթում չեն տեղավորվում: Գիտե՞ք՝ ինչու չգիտեն, որովհետև այն քրոնիկ վախը, որ նա ունի ազատ խոսքից, իրեն ուղղվելիք անհարմար հարցերից, որ կարող է հանկարծ որևէ լրագրող հարցնի՝ լավ, բա վերջը «Պապլավոկում» Պողոս Պողոսյանն ինչպե՞ս սպանվեց: Կամ՝ ընկեր, տեսել ենք, թե ինչպես ես եկել ու ՀՀ-ում պաշտոն ստանձնել, ու տեսնում ենք քո հարստությունը... Այդ վախը նրան թույլ չի տալիս լսել ազատ լրատվամիջոցների հարցերը»,- ԱԺ-ում հայտարարեց իմքայլական պատգամավոր Վահագն Ալեքսանյանը՝ անդրադառնալով ՀՀ երկրորդ նախագահի այսօրվա ասուլիսին: