Ռոբերտ Քոչարյանի և Արմեն Գևորգյանի գործով դատական նիստը հետաձգվեց

Ինչպես արդեն հայտնել ենք, այսօր՝ Ռոբերտ Քոչարյանի և Արմեն Գևորգյանի դատական նիստի մեկնարկին դատավոր Աննա Դանիբեկյանն ընթերցեց Արմեն Գևորգյանի պաշտպան Էրիկ Ալեքսանյանի՝ դատական նիստը հետաձգելու վերաբերյալ միջնորդությունը, որտեղ որպես հիմնավորում նշվում էր վերջինի արձակուրդում գտնվելու հանգամանքը։

Ռոբերտ Քոչարյանի պաշտպան Արամ Վարդևանյանը հայտնեց, որ ինքը նույնպես մեկնելու է արձակուրդ, որի վերաբերյալ կտեղեկացնի դատարանին։

Դատավոր Աննա Դանիբեկյանը հայտարարեց, որ դատական նիստը հետաձգվում է, քանի որ էրիկ Ալեքսանյանը Արմեն Գևորգյանի միակ պաշտպանն է, և պաշտպանի բացակայության պարագայում նիստը չի կարող շարունակվել, մինչդեռ Արամ Վարդևանյանի բացակայությունը չի կարող խանգարել դատական նիստի կայանալուն, քանի որ Ռոբերտ Քոչարյանն ունի այլ պաշտպաններ։