«Սև լճի 30%-ի համար պատերազմ չենք սկսելու». վարչապետի պաշտոնակատար

«Այս իրավիճակը պետք է լուծվի առանց պատերազմի»,- անդրադառնալով հայ-ադրբեջանական սահմանին տիրող իրավիճակին՝ ասաց Նիկոլ Փաշինյանը: Նա կրկին խոսեց իրավիճակի հանգուցալուծման իր առաջարկի մասին. «Ես պարզ բան եմ ասում, ասում եմ եկեք Սոթքից մինչև Խոզնավար զորքերը երկուստեք հետ քաշենք, տանենք մշտական տեղակայման վայրեր, գան միջազգային դիտորդներ, հանենք փաստաթղթերը, տեսնենք՝ սահմանը որտեղով ա անցնում ու ճշգրտում անենք»:

Փաշինյանը խոսեց նաև Սև լճի հատվածի մասին. «Սովետական Միության քարտեզներ հրապարակվեցին, տեսանք, որ էն վերևի մի հատվածի սահմանն անցնում է ջրի միջով, 20 թե 30 տոկոսը: Հիմա եկեք նայենք, ուսումնասիրենք, եթե իրոք էդպես ա, ասենք՝ հա՞, թե՞ ասենք՝ չէ՛, մենք էդ 30 տոկոսի համար պատերազմ ենք սկսելու: Ո՛չ, մենք չենք գնալու իրավիճակի սրման, ու հարցը լուծելու ենք խաղաղ ճանապարհով. բանաձևը երեկ հրապարակել եմ»: