«Օդ ցնդե՞ց էդ երեխեն. թող բերեն գոնե դիակը տան, որ իմանամ՝ որտեղ լացեմ». անհետ կորածի հարազատ

Անհետ կորած համարվող զինծառայողների հարազատները դեռ Հերացի փողոցում են: Նրանք հայտարարուն եմ, որ իրենց զավակների մարմինները ՀՀ իշխանությունն ամիսներ շարունակ թաքցրել է սառնարաններում: «Ինչքան դավաճան կա՝ հրապարակավ պիտի գյուլլվի, քանի՜ սերունդ կործանվեց նրանց պատճառով»,- ասաց ծնողներից մեկը:

«Հոկտեմբերի 13-ին ասել են, որ մեր տղան զոհվել ա: Չեն թողնում մտնենք դիահերձարան, ասում են՝ սպասեք ԴՆԹ-ին: Զանգում եմ քննիչին, չի պատասխանում. ինչքա՞ն սպասենք... Ստեփանակերտն ասում ա՝ ուղարկել եմ Գորիս, Գորիսը՝ Երևան»,- շարունակեց մյուս ծնողը: