«Դողդողացող ձայներով և կիսաուշագնաց ելույթներով պատգամավորներն ինչո՞ւ հիմա այստեղ չեն»․ Ալեն Սիմոնյան

Այսօր՝ ԱԺ արտահերթ նիստում, փոխխոսնակ Ալեն Սիմոնյանը՝ դիմելով Առողջապահության նախարարի պաշտոնակատար Անահիտ Ավանեսյանին, ցանկություն հայտնեց իր խոսքերով, ևս մեկ անգամ լսել Աբովյանի դիահերձարանում տեղի ունեցածի շուրջ նախարարի պաշտոնակատարի արձագանքը։

«Այսօր՝ առավոտյան, բազմաթիվ պատգամավորներ այդ հարցը բարձրացրել են, հիմա դահլիճում չեն։ Ճիշտն ասած՝ մի քիչ զարմանում եմ և տարակուսում, թե առավոտյան այդ, դողդողացող ձայներով և կիսաուշագնաց ելույթների ֆոնին, ինչո՞ւ իրենք հիմա այստեղ չեն և եթե այդ հարցն իրենց այդքան հետաքրքրում էր, ինչո՞ւ չեն բարձրացնում առողջապահության նախարարի մոտ»,- ասաց Սիմոնյանը։

Տեղեկացնենք, որ Առողջապահության նախարարի պաշտոնակատար Անահիտ Ավանեսյանն ԱԺ-ում ներկայացնում է Կառավարության հեղինակած «Մարդու վերարտադրողական առողջության և վերարտադրողական իրավունքների» և «Բնակչության բժշկական օգնության և սպասարկման մասին» օրենքում փոփոխություններ կատարելու մասին նախագծերի փաթեթը: