«Կարկառուն մի արվեստագետ չի հասկանում, որ հաղորդում է տալիս հանցագործության մասին». Պասկևիչյան

Գրող, հրապարակախոս, ռեժիսոր Տիգրան Պասկևիչյանը ֆեյսբուքյան իր էջում գրել է. ««Նիկոլին Հայաստանցիները ընտրելու են ոչ թե որ նիկոլապաշտ են, այլ որովհետև երեք նախկին նախագահներից զզված են»,- սա գրել է կարկառուն մի արվեստագետ՝ չհասկանալով, որ հաղորդում է տալիս հանցագործության մասին։
Նա չի ասում, որ իրենց Նիկոլը լավն է, որ երկիրը տեղը տեղին կառավարել է անցած երեք տարում, որ պատերազմում հաղթել է, որ ռուսներին ինքը չի բերել Արցախ ու Հայաստան, որ գերիներին չի մոռացել Ադրբեջանի բանտերում, որ կառավարման համակարգը յուղի պես աշխատում է ու նման բաներ։
Չէ, չի ասում։ Ասում է՝ զզվել ենք ու վերջ։
Այսպես ժամանակին նոմենկլատուրային մտավորականներն անմիտ ու անբառ պաշտպանում էին Քոչարյանին կամ Սարգսյանին՝ միակ փաստարկ ունենալով հանճարեղ ահաբեկումը. «Ուզում եք ցուրտ ու մութ տարիները հետ գա՞ն»։
Զգոն լինենք, որ բաց չթողնենք լրջանալու պահը»։