«Արմատական փոփոխություններ են պետք, որ ամեն «իդիոտկա» չկարողանա մասնակցել ընտրություններին». Ռ. Ստեփանյան

«Սուրբ Աստվածամայր» բժշկական կենտրոնի ինֆեկցիոն բաժանմունքի բժիշկ Ռուբեն Ստեփանյանը ֆեյսբուքյան իր էջում գրել է. «27 կուսակցություն ու դաշինք մասնակցելու է ընտրություններին։ Իրենցից 23-ը ոչ մի շանս չունեն։ Բայց դե մասնակցում են։ Սա գործին անպատասխանատու մոտենալու արդյունք է։ Ըստ իս, իրենք էլ են գիտակցում, որ շանսեր չունեն։ Ի վերջո Ազգային Ժողովը և կառավարությունը կարևոր կառույցներ են։ Ինչի՞, երբ ուսանողն ավարտում է՝ միանգամից չեն տանում կազմակերպությունների ղեկավար մարմիններում կարևոր պաշտոններ տալիս։ Որովհետև կա փորձի պակաս, անկախ նորավարտի ընդունակություններից։ Իսկ, օրինակ, ԱԺ անցնելու համար ոչինչ պետք չէ։ Ցանկացածը, ով հնարավորություն ունի գրավը վճարելու, կարող է մասնակցել։ Արմատական փոփոխություններ են պետք, որ ամեն պարապ, բեսեդկում նարդի խաղալուց հետո, կամ Լենայի ասած՝ ամեն «իդիոտկա» չկարողանա մասնակցել ԱԺ ընտրություններին»։