«Վանեցյանի «Կռիմ նաշ»-ը հիշեցրեց ԿՎՆ-ի «Նոր հայեր» թիմի ելույթը». Հակոբ Բադալյան

Քաղաքական մեկնաբան Հակոբ Բադալյանը ֆեյսբուքյան իր էջում գրել է. «Վանեցյանի «Կռիմ նաշ»-ը հիշեցրեց դեռևս 2016 թվականի ամառը, ԿՎՆ-ի 55-ամյակին «Նոր հայեր» թիմի ելույթը: Թե ինչ է ԿՎՆ-ը, հայտնի և պարզ է բոլորիս՝ այն ներկայումս ռուսական մեծապետականության գործիքներից մեկն է, այսպես ասած «փափուկ ուժի» շրջանակում, ընդ որում թերևս այդ մեծապետականության հազվադեպ հետաքրքիր և ստեղծագործական մոտեցումներից մեկը: Եվ ահա, էդ 55-ամյակին էր հրավիրյալ «Նոր հայեր» թիմի «Կռիմ նաշ» ելույթը, այն էլ ապրիլյան քառօրյա պատերազմից մի քանի ամիս անց: Նրանք արժանացան հոբելյանական միջոցառման գլխավոր մրցանակներից մեկին, իսկ Հայաստանը շարունակեց արժանանալ ռուսական վերնախավի քամահրական վերաբերմունքին: Հ.Գ. խնդրում եմ մեկնաբանություններում առանց վիրավորանքի»: