Երկուշաբթի, 23 փետրվարի, 2026 թ.
|
Ստեփանակերտում`   +4 °C

Սահմանային անցակետերում թույլատվական փաստաթղթերը հնարավոր կլինի ներկայացնել էլեկտրոնային եղանակով

Սահմանային անցակետերում թույլատվական փաստաթղթերը հնարավոր կլինի ներկայացնել էլեկտրոնային եղանակով
301
Հինգշաբթի, 10 հունիսի, 2021 թ., 11:35

Այսօրվա նիստում քննարկվեց «ՀՀ Կառավարության մի շարք որոշումներում փոփոխություններ և լրացումներ կատարելու մասին» հարցը, որով առաջարկվեց պետական սահմանի անցակետերում և արտաքին գործունեության սպասարկման կենտրոններում ներդնել «մեկ կանգառ, մեկ պատուհան» սկզբունքը։
ՊԵԿ փոխնախագահ Ռաֆիկ Մաշադյանը նշեց, որ փոփոխության դեպքում թույլատվական փաստաթղթերը կտրամադրվեն ավելի կարճ ժամկետներում: Այսպիսով՝ համապատասխանության հայտագրի համար սահմանված 5 աշխատանքային օրը դառնում է 2 աշխատանքային օր:

Նախագծով առաջարկվում է կրճատել նաև որոշ թույլատվական փաստաթղթերի ուսումնասիրման ժամկետները, քանի որ փաստաթղթերի ներկայացումը նախատեսվում է նաև իրականացնել էլեկտրոնային համակարգի միջոցով։
Որոշումն ընդունվեց միաձայն։