ԱՄՆ-ը պատվաստանյութի 500 միլիոն չափաբաժին կգնի և կնվիրաբերի այլ երկրների

2230

Հինգշաբթի, 10 հունիսի, 2021 թ., 13:20

ԱՄՆ նախագահ Ջո Բայդենի վարչակազմը կորոնավիրուսի դեմ ամերիկյան Pfizer ընկերության արտադրության պատվաստանյութի 500 միլիոն չափաբաժին կգնի և կնվիրաբերի այլ երկրների: Այս մասին հայտնում է Սպիտակ տան մամուլի ծառայությունը։

«Պատվաստանյութի 200 միլիոն չափաբաժին կմատակարարվի այս տարվա վերջին, իսկ մնացած 300 միլիոնը՝ 2022 թվականի առաջին կեսին»,- ասված է հայտարարության մեջ:

ԱՄՆ-ն այս պատվաստանյութերը կհատկացնի ցածր և միջին եկամուտ ունեցող 92 երկրի՝ COVAX միջազգային նախաձեռնության միջոցով։

Ավելի վաղ Բայդենը լրագրողներին հայտարարել է, որ Եվրոպա ուղևորության ընթացքում կհայտարարի պատվաստումների վերաբերյալ՝ ԱՄՆ-ի ռազմավարության մասին: