«Կերա, մի ժամ հետո ինքնազգացողությունս վատացավ». Նիկոլ Փաշինյան

«Վարչապետ դառնալուց հետո, 2018-ի մայիսն էր կամ հունիսը, գնացել էի առաջնագիծ: Մոտեցա, բացեցի սննդի տարաները, ասացի՝ էս, էս, էս բերեք: Բերեցին, կերա էդ ուտելիքներից: Ես նենց չի, որ փափկասուն եմ էլի, բայց մի ժամ հետո ինքնազգացողությունս վատացավ»,- Օձունում բնակիչների հետ հանդիպման ժամանակ անդրադառնալով բանակում սննդի թեմային՝ ասաց ՔՊ վարչապետի թեկնածու Նիկոլ Փաշինյանը: «Մարդը երկու ժամ պետք ա ժամապահ լինի ամենաբարձր զգոնության, էդ սնունդը քցում ա իրա մարտունակությունը»,- ասաց նա: Փաշինյանն անդրադարձավ նաև այս ուղղությամբ իրենց իշխանության իրականացրած աշխատանքներին։