Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«Այսպիսի խոսուն վերաբերմունք երբեմնի սեփական թիմի, նրա ղեկավարի ու գործունեության մասին, դժվար էր ենթադրել». Նորայր Նորիկյան

«Այսպիսի խոսուն վերաբերմունք երբեմնի սեփական թիմի, նրա ղեկավարի ու գործունեության մասին, դժվար էր ենթադրել». Նորայր Նորիկյան
162
Երկուշաբթի, 14 հունիսի, 2021 թ., 15:25

«Արդար Հայաստան» կուսակցության նախագահ Նորայր Նորիկյանը ֆեյսբուքյան իր էջում գրել է. «Սերժը մարդուն դարձրել է Երևանի քաղաքապետ, որից հետո Մոսկվայից կանչել ու նշանակել է վարչապետ, հետո առաջին փոխվարչապետ, հետո դարձրել է իր ղեկավարած ՀՀԿ կուսակցության առաջին փոխնախագահ, վերջում, իր խոսքով, ամբողջ իշխանությունը հանձնել է նրան, հիմա այս մարդը կանգնել ու ասում է, որ երկիրը ստեղծված իրավիճակից կարող է հանել Ռոբերտ Քոչարյանը։

Այսպիսի խոսուն վերաբերմունք երբեմնի սեփական թիմի, նրա ղեկավարի ու գործունեության մասին, դժվար էր ենթադրել:
Գոնե մինչև վերջ անկեղծ լինելու համար նշեիք, թե ինչո՞ւ Ձեր երբեմնի թիմին ու նրա ղեկավարին այլևս չեք տեսնում երկիրը ստեղծված իրավիճակից հանող ՄԻԱԿ ուժ:

Մյուս կողմից այս իրավիճակը լավագույնս է բնութագրում 2-րդ ու 3-րդ նախագահների միջև գոյություն ունեցող խորքային հակասությունների մասին:

Թե ի՞նչ կորոշի ժողովուրդը, պարզ կդառնա մի քանի օրից, բայց մի հարցի շուրջ հնարավոր չէ չարձանագրել:

Ամոթ է, որ երկրի իշխանության համար պայքարում ներգրավված են հնարավոր մեծ ու փոքր հանցագործները, իսկ գործող վարչապետի պաշտոնակատարը խոսում է չագուճի մասին...

Իսկապես ամոթ է...»: