«Պատկերացնո՞ւմ եք՝ մի մուրճ էլ ես վերցնեմ»․ Ռոբերտ Քոչարյան

«Կուզեի մի քիչ բացատրություն տայի, թե ինչի՞ ա ինքը մուրճն օգտագործում․ դա սովորական քաղաքական տեխնոլոգիա ա, որտեղ ինքը ցույց ա տալիս ուժի սիմվոլ»,- այսօր՝ Մասիս քաղաքում նախընտրական քարոզարշավի ժամանակ, ասաց «Հայաստան» դաշինքի ներկայացուցիչ, Սյունիքի նախկին մարզպետ Վահե Հակոբյանը։

«Քանի որ ինքն իրանից ոչ մի բան չի ներկայացնում, էդ մուրճը ցույց ա տալիս այն մարդկանց, ովքեր ունեն ցածր գիտակցություն։ Իսկ ինչ վերաբերում ա մուրճին՝ մերը մուրճ չի, ժողովրդական խոսքով ասած՝ կուվալդ ա»,- ասաց նա։

Վահե Հակոբյանի միտքը շարունակեց Ռոբերտ Քոչարյանը։

«Առանց էն էլ ինձնով մեր ժողովրդին են վախեցնում։ Պատկերացնո՞ւմ եք՝ մի մուրճ էլ ես վերցնեմ»։

«Մենք մուրճը վերցնելու ենք միայն շինարարության համար․ բռունցքս հերիք ա»,- հավելեց Քոչարյանը։