Ուրբաթ, 22 սեպտեմբերի, 2023 թ.
|
Ստեփանակերտում`   +17 °C

Արսեն Դավթյանը դատապարտվել է 7 տարվա ազատազրկման, Ռազմիկ Աբրահամյանի նկատմամբ պատիժը պայմանականորեն չի կիրառվել

Արսեն Դավթյանը դատապարտվել է 7 տարվա ազատազրկման, Ռազմիկ Աբրահամյանի նկատմամբ պատիժը պայմանականորեն չի կիրառվել
175
Ուրբաթ, 18 հունիսի, 2021 թ., 14:45

Երևանի ընդհանուր իրավասության դատարանը՝ նախագահությամբ դատավոր Արտուշ Գաբրիելյանի, հրապարակել է Վերարտադրողական առողջության, պերինատոլոգիայի, մանկաբարձության և գինեկոլոգիայի հանրապետական ինստիտուտի տնօրեն Ռազմիկ Աբրահամյանի և Առողջապահության նախկին նախարարի տեղակալ Արսեն Դավթյանի գործով դատավճիռը։

«Արմենպրես»-ի հետ զրույցում Գլխավոր դատախազության հանրային կապերի բաժնի պետ Արևիկ Խաչատրյանը հայտնել է, որ Ռազմիկ Աբրահամյանը դատապարտվել է երեք տարի ժամկետով ազատազրկման, սակայն դատարանը նրա նկատմամբ պատիժը պայմանականորեն չի կիրառել՝ սահմանելով 2 տարի ժամկետով փորձաշրջան, իսկ Արսեն Դավթյանը դատապարտվել է 7 տարի ժամկետով ազատազրկման՝ առանց գույքի բռնագանձման։